स्याङ्जा १ भाद्र २०७९

आँधीखोला गाउपालिका  वडा नं. ४ देखि ६ कार्यक्षेत्र भई स्थानीय दुध तथा प्राङ्गारिक उन्मुख कृषि उपजको बजारीकरण गरिरहेको आँधीखोला कृषि उद्यम सहकारी संस्थाले आफ्ना सदस्यहरु लगायतका सहकारीकर्मीहरुलाई सहकारी व्यवस्थापन, लेखापालन र व्यवसायिक योजना निर्माण सम्वन्धी  आयोजना गरेको ५ दिने तालिम आज पुतलीबजारमा सम्पन्न भएको छ ।

तालिमको व्यानरः सहकारी व्यवस्थापन, लेखापालन र व्यवसायिक योजना निर्माण

२०७९ श्रावण २८ गतेदेखि ५ दिन सम्म सञ्चालन भएको उक्त तालिममा आपसी सहयोग केन्द्र स्याङ्जा नेपालका अध्यक्ष रुकुमदत्त शर्मा पौडेल कार्यक्रम प्रमुख हरीप्रसाद ढकाल, सहकारी बिज्ञ चिन्तामणी पौडेल, आँधीखोला गाउँपालिकाका अध्यक्ष बिश्व पौडेल साथै सहकारी प्रमुख कृष्ण पोखरेल, कृषि बिकास बैंकका ईश्वरी प्रसाद सुबेदी, जिल्ला बचत तथा ऋण सहकारी संघका रबिद्र प्रसाद श्रेष्ठ साथै आँधीखोला कृषि उद्यम सहकारी संस्थाका सचिव तथा पिजिएस सहजकर्ता रबिन पौडेलले सहजीकरण गर्नुभएको थियो ।

तालिमका सहभागिहरुः सहकारी व्यवस्थापन, लेखापालन र व्यवसायिक योजना निर्माण

सहकारीको व्यवसायिक योजना निर्माण गरी व्यबसायिक कृषकहरुलाई प्राङगारीक कृषि उपजको उत्पादन, प्रमाणिकरण, प्रसोधन, लेबलिङ, ब्रान्डिङ गरी स्वच्छ बजारीकरण मार्फत सेयर सदस्यहरोग दीगो आय–आर्जन साथै जीबिकोपार्जनमा टेवा पु¥याउने लक्षका साथ उक्त तालिम दिईएको हो । तालिममा आँधीखोला कृषि उद्यम सहकारीका सञ्चालक समिति, उपसमिति साथै छनौटमा परेका सेयर सदस्य समेत गरेर २५ जनाको सहभागिता रहेको उक्त तालिममा सहकारी संस्थाको अवस्था विष्लेषण साथै विकासका क्षेत्र पहिचान, कृषि सहकारी र यसको संस्थागत विकास, सहकारीको लेखा तथा अभिलेख व्यवस्थापन, सहकारी शिक्षा र पालिकाको सहकारी विकासमा योगदान, बजारका किसिम, सहकारी बजार र यसको प्रकृया, विक्रयकला तथा उत्पादनको गुणस्तर, प्राङ्गारिक बालीको प्रमाणीकरण र यसको प्रकृया, कृषि बिमा बारे जानकारी एवं फाईदा, व्यवसायिक योजनाबारे जानकारी व्यवसायिक योजना लेखन र प्रस्तुतिकरणसाथै कार्ययोजना निर्माण आदिबारे प्रशिक्षण गरिएको थियो ।

तालिममा सहजीकरण गर्दै आपसी सहयोग केन्द्र स्याङ्जा नेपालका अध्यक्ष रुकुमदत्त शर्मा

यसै क्रममा आज भएको तालिम समापनको क्रममा बोल्दै प्रमुख अतिथी आपसी सहयोग केन्द्र स्याङ्जा नेपालका अध्यक्ष रुकुमदत्त शर्माले आँधीखोला र स्याङ्जामै दिगो कृषि बजारको सञ्चालन नभएको अवस्थामा यस सहकारीको व्यवसायिक योजना निर्माणले कृषि बजारलाई सहकारी मार्फत दिगो बनाउन सहयोग पुग्ने विश्वास व्यक्त गर्नुभयो । वातावरणमैत्री कृषि, गुणस्तरीय जीवनयापनमा टेवा, स्वच्छ बजार, नमूना सहकारी सदस्यहरुको पेवा भन्ने मुल नारा तय गरेको यो सहकारीले आफ्नो सेवालाई चुस्त र दुरुस्त बनाउदै आँधीखोला र स्याङ्जामा नमुना सहकारी बन्नेमा आफु ढुक्क रहेको र यसको परिकल्पनालाई पुरा गर्नको लागि सबैक्षेत्रको सकारात्मक सहयोग रहने अपेक्ष समेत गर्नुभयो ।

तालिममा सहजीकरण गर्दै मुख्य प्रशिक्षक चिन्तामणी पौडेल

समापनकै क्रममा मुख्य प्रशिक्षक चिन्तामणी पौडेल लगायत सहकारीकर्मीहरु हरीप्रसाद ढकाल, रबिन पौडेल यदु प्रसाद पौडेल, दुर्गादेवी ढकाल मालती काफ्ले, ठहर प्रसाद लामिछाने, अमृता ढकाल, लगायतले कृषि क्षेत्रमा सहकारीको महत्व र भावि कार्यदिशाबारे मन्तव्य राख्नुभएको थियो ।

तालिममा सहजीकरण गर्दै आँधीखोला गाउपालिकाका अध्यक्ष विश्व पौडेल
तालिममा सहजीकरण गर्दै आँधीखोला गाउपालिकाका सहकारी प्रमुख कृष्ण पौख्रेल
तालिममा सहजीकरण गर्दै कृषि विकास बैंक स्याङ्जाका ईश्वरी प्रसाद सुबेदी 
तालिममा सहजीकरण गर्दै बचत तथा ऋण सहकारी संघ स्याङ्जाका रबिन्द्र प्रसाद श्रेष्ठ 

फोटोः रबिन पौडेल र हरी प्रसाद ढकाल लेखनः हरी प्रसाद ढकाल